Медициналық статистиканы визуалды түрде интерактивті ұсыну арқылы Қазақстан халқының денсаулығы туралы нақты және өзекті мәліметтерді көпшілікке, медицина мамандарына және мемлекеттік органдарға қолжетімді ету. Платформа аурулардың таралу динамикасын, аймақтық айырмашылықтарды, жынысы мен жасы бойынша бөліністерді ашық түрде көрсетіп, деректерді жылдам талдауға мүмкіндік береді. Осылайша, ол эпидемиологиялық жағдайды бақылауға және тиімді шешім қабылдауға негіз болады.

Пайдаланушылардың жеке деректерін жинамайды және сақтамайды, тек жалпы статистикалық ақпараттарды жариялайды.
Платформа тек қана ақпараттық мақсатқа қызмет етеді және шешім қабылдауда соңғы нүкте емес.

Деректерді визуализациялау – ауру түрі, аймақ, жынысы, жасы бойынша нақты статистикалық деректерді график, диаграмма және карта түрінде ұсыну.
Интерактивті сүзгі (сортировка) – қолданушыға ауру түрін, өңірін, жынысын, жасын таңдап, соған сәйкес нақты деректерді көру мүмкіндігін береді.
Жеке кабинет – пайдаланушы өз өңіріндегі статистиканы сақтап, салыстырып, жүктеп алуға мүмкіндік алады (қажет болған жағдайда).
Құжаттарды экспорттау – графиктер мен есептерді PDF немесе Excel форматында жүктеп алу.
Кері байланыс – егер пайдаланушы қосымша ақпарат қажет етсе, байланысқа шығып, сұрау жасай алады.